सिरोंचा, (प्रतिनिधी ) २१ऑक्टोबर २०२६:सिरोंचा वनपरिक्षेत्रातील कारसपल्ली राउंडमध्ये वनविभागाने केलेल्या अत्यंत थरारक आणि धडक कारवाईत एकूण २५ नग बेकायदेशीर सागवान चिराण जप्त करण्यात आले आहे. जंगलातील वनसंपत्तीचे रक्षण करण्यासाठी दिवस-रात्र न बघता राबवलेल्या या मोहिमेमुळे लाकूड तस्करांचे मनसुबे पूर्णपणे उधळून लावण्यात आले आहेत.*कारवाईची पार्श्वभूमी:*कारसपल्ली राउंडमध्ये अवैध सागवान तस्करीची खात्रीशीर गोपनीय माहिती वनविभागाला मिळाली होती. या माहितीच्या आधारे वनपरिक्षेत्र अधिकारी राजेश अंधारे यांच्या मार्गदर्शनाखाली वन कर्मचाऱ्यांनी १८ ऑक्टोबर २०२६ रोजी रात्रीच्या सुमारास पहिली गस्त मोहीम राबवली. अंधार, दाट जंगल आणि खडतर वाटांवर तासन्तास शोध घेऊनही त्या रात्री माल हाती लागला नाही. मात्र, ‘एका रात्री माल सापडला नाही म्हणून शोध संपत नसतो,’ या जिद्दीने पथकाने हार मानली नाही.दुसऱ्या रात्री मध्यरात्री पुन्हा धडक:१९ ऑक्टोबर २०२६ रोजी मध्यरात्री बारा वाजता पुन्हा एकदा सागवानाच्या मालाबाबत सविस्तर माहिती मिळाली. क्षणाचाही विलंब न करता अधिकारी व कर्मचाऱ्यांचे पथक तत्काळ सतर्क झाले. रात्री बारा ते पहाटे सात वाजेपर्यंत तब्बल सात तास चाललेल्या या थरारक शोधमोहिमेत अखेर जंगलातून लपवून ठेवलेला २५ नग सागवान चिराणाचा माल शोधून काढण्यात यश आले. नियमानुसार सर्व कायदेशीर जप्तीची प्रक्रिया पूर्ण करत हा माल रेंज कार्यालयात जमा करण्यात आला आहे.कर्तव्यरक्षकांचा अथक संघर्ष:जंगलातील संपत्तीचे रक्षण करताना वन कर्मचाऱ्यांसाठी दिवस आणि रात्र असा भेद नसतो. गरज पडल्यास मध्यरात्री जंगलात उतरून तासन्तास गस्त घालावी लागते, याचे उत्तम उदाहरण या मोहिमेने घालून दिले आहे.*कारवाईत सहभागी यशस्वी पथक:* मार्गदर्शन-उपवनसंरक्षक नवकिशोर रेड्डी साहेब,उपविभागीय वनाधिकारी अक्षय मीना साहेब,नेतृत्व-वनपरिक्षेत्र अधिकारी राजेश अंधारे सहभागी टीम-क्षेत्र सहाय्यक निलम, जवाजी,मेश्राम,सरकार तसेच वनरक्षक – तलांडी, पटले, तिम्मा, सोनकांबळे, गीते, तुपकर, बोगा, गोरगोंडा, धात्रक, जेडगिलवार,चौधरी आणि वनमजूर – राजेश, मल्लाया, राजू “जंगल कधीच पूर्णपणे शांत नसते, आणि वनरक्षकांची मोहीम कधीच थांबत नाही,” हेच या कारवाईने पुन्हा एकदा सिद्ध केले आहे.
